nadeen881- Журнал, 19 июл 18

شكلو زاكي ماعمري جربت البيض مع السبانخ 😋😋 

بلعااافيه 

صحتين يا روحي 😘😘 

صحتين وعافية  

صحتين وعافية  

على قلبكم dirokaahmad أنا كيتوجانك دايت إذا عندك أي سؤال أنا جاهزه وإن شاء الله افيدك 👍😀 

شكراا كتيير والله ياريت لان كتير سمنانة بعد الولادة وعم حاول اطبق الكيتو بس بحس عم خربط مع انو بعرف الممنوعات بس بكمية الاكل مابعرف اتحكم وماعندي افكار عن الاكلات الي بتصير وكيف اعمل والصيام المتقطع ياريت تساعديني بكون ممنونتك 😟 

انا ام زيك وكمان كان سبب زياده وزني انجابي لاولادي بدون فتره لاسترجاع وزني حمل ورا حمل بس لازم تعرفي انو الكيتو ما بيناسب الرضاعة الطبيعيه فيريت اتقوليلي في اشي معين انتي حابه تسألي عنه 😀أنا اول ما بدأت كيتو كان عندي مليون سؤال بس بفاتسيكرت في ناس كتير عرب وأجانب ممكن نستفيد من تجربتهم الناجحه مع الكيتو دايت انا عن نفسي بدأت كيتو بشهر 4 و وقفته بشهر رمضان لأنوا مابصير كيتو بدون شرب 2لتر ماء على الأقل ورجعتلو بعد اسبوعين من رمضان لحد الآن 👍😊 

يعطيك الف عافية لا ماعم رضع رضاعة طبيعية انا حاسة بضياع ونفسيتي كتير تعبانة من وزني لو فيكي كيف اطبق الصيام المتقطع وشو للازم الواحد ياكول وقت الفطور اذا كان وجبة وحدة وقديش لازم يكون البروتين باليوم اسفة اذا دايقتك باسئلتي  

هو اول فترة بالكيتو قديش الواحد بينزل  

لاء حبيبتي ما في غلبه أبدا بالعكس اولا أنا بنصحك اتغيري هدفك لانو كتير كبير لازم اتحطي أهداف قصيره لتحسي بالإنجاز وتقدري تستمري يعني انو تنزلي لل75ك ثانيا الصيام المتقطع هوه أروع اشي أنا ببلش صيام الساعه خمسه العصر يعني آخر وجبه بتكون 👍 بعديها صيام 16 ساعه المهم انو ابدأي صيام قبل النوم بأربع ساعات بتكسيري صيام متقطع الساعه 10 او11 الصبح بتكون اول وجبه معاكي 8 ساعات لتقسمي فيها وجباتك ولازم تتخلصي سعراتك وبما انك كيتو ديري بالك 💪 انا بكسر صيامي دائما على قهوه البوليت بروف وبعتبرها وجبه الفطور في بعض المرات لما أكون عارفه انو الوجبه التانيه الغدا راح اتكون كبيره وأخلص فيها سعراتي والكارب المسموحلي 👍 أخيرا الكيتو ما في وزن معين بينزلو الشخص اول إسبوع بيكون أكتر إلي بينزلو الجسم بس ميه كل جسم حسب قديش فيه احتباس سوائل من 2:7 كيلو بعدين ليصير يحرق دهون 😀💪 تجربتي مع الكيتو كانت رائعه وراح اكررها أن شاء الله بشهر 12 يعني بالشتاء واضلني كيتو لشهر 5 عشان اتحكم باكلي للحلويات بالشتاء احلى اشي بالكيتو انو قد ما بتحبي الحلو ببطل يجي على بالك ابدا😀  

انا كنت 90 عملت اول هدف 75 بعديها بدأت كيتو بوزن77 وهلئ أنا 63 ك لما أصير 60 راح أوقف كيتو واثبت 💪 إن شاء الله 😻 ملاحظه : ادخلي على صفحتي وشوفي صور الأكل كلها كيتو ماعدا صوره البطاطا بالخضار هاي ما عملتا إلي كانت لولا دي🌹 أي صوره بتعجبك ممكن اقولك كيف عملتها 👍 

البروتين لكل كيلو من وزنك غرام بروتين 😀 

يعطيكي الف عافية يارب ويخليلك عيلتك غلبتك معي اي انا كمان اليوم اكلت اخر وجبتي ب ٥ وانشالله بكرا رح بلش متلك والله شجعتيني الله يجبر بخاطرك انا من اول الشهر بلشت بالكيتو اول فترة كتير تعبت بعدين راح التعب انا مقاطعة السكر من وقت ما بلشت بالكيتو بس سمعت ان البروتين اذا كان كتير بيتحول لجلوكوز ولهيك خفت وصار معي احباط وكتير مرات بشتهي الفواكة شو بقدر اكول فواكة او شي هيك بيبرد القلب عهصيف خاصة انو نحن معتمدين ع الدهون  

الله يجبر بخاطرك انتي كمان بساعه الغروب والله دعوه بترود الروح يا قلبي 😘 اشي يبرد أنا معتمده على الليمون المحلى بسكر ستيفيا 👍جيبيه كتير آمن هاد محلي طبيعي إزا ما بتعرفيه اقرأي عنه على النت 👍وكمان لازم يكون عندك ميزان للمطبخ عشان الكيتو لازم تحسبي كل الخضار القاسي زي الكوسا والفليفله والبصل والتومه بالغرام 😊 وما تنسي تشربي مي كل ساعه لأنوا الكيتو الميه هيه الأساس إلي راح يطرد الدهون 😊 الخضار الورقيه زي الخس والجرجير والبقدونس والملوخيه والسبانخ ما بتحسبيه ولابتسجليه اصلا 👍 

ربي يعطيكي الصحة والعافية انا عندي ميزان للاكل بس ماكنت بعرف انو السبانغ والملوخية والخس ما بياثرو كنت بحسبهم متل مبارحة ٣٠٠ غ سبانغ مجمدة مع ٤٠ غرام لحمة مفرومة فكرت يعني هلا اذا قد ما اكلت سبانغ وخس او ملوخية عادي وبقدونس و جرجير واللحمة اعملها ٨٩ غرام ماهيك عم امشي صح لا لا والسلطات الكيتو فيها خيار وبندورة ولا بس ورقيات عفكرة البروتين من احسبه بعد الطبخ ولا قبل الطبخ  

انا بهشق السبانخ والملوخية هيك اكلات نباتية بس فكرت انو رح يعلي الكارب  

والقرنبيط والبروكلي و الكوسا هدول قديش لازم اخدون 

طبعا لازم استعمل الزبدة او زيت زيتون بدل الزيت العادي  

الورقيات بأنواعها ما تحسبيها بس الخضار القاسي بتوزنيه وابتحسبي كم فيه كارب وما تخلي الكارب يطلع عن 5/100 من السعرات 👍انتي قرري النوع إلي بدك اتدخلي لاكلك بتسجيله وبالغرام بتحسبي الكارب مثلا أنا لما عملت سلطه التونه وزنت الفلفل الألوان كل لون 20 غ والبصل 20 غ وعين الجمل 20غ أما الخس والجرجير والبقدونس ماسجلتهم ولا حسبتهم من السعرات ولا من الكارب كمان لما عملت العجه بالسبانخ حسبت البيض وزيت الزيتون وما حسبت السبانخ الملوخية كمان بس احسبي الزيت إلي طبختي فيه ولازم ما يكون زيت نباتي بس زيت زيتون او زبده طبيعيه (حيوانية) مش مارغرين 👍